यसकारण बटार्यो मध्यरातमा उत्तर कोरियाले घडीको सुई ?



वैशाख २२ – केही समय अघिसम्म आणविक परीक्षण गरेर विश्वलाई थर्काइरहेका उत्तर कोरियाली नेता केही दिनयता निरन्तर नरम देखिँदै आएका छन् ।

दक्षिण कोरियाली राष्ट्रपति मून जेइ इनसँगको ऐतिहासिक वार्तापछि उत्तरले निकै नरम व्यवहार देखाउँदै आएको छ । पछिल्लो पटक उत्तर कोरियाले आफ्नो जोनलाई आधा घण्टा अगाडि सार्दै दक्षिण कोरियासँगको समयसँग मिलाएको छ । उत्तर कोरियाले शुक्रबार राति ११ः३० बजे आधा घण्टा समय अगाडि सारेको हो ।

उत्तर कोरियाली सरकारी सञ्चार माध्यम केसीएनएले भनेको छ, ‘ऐतिहासिक उत्तर–दक्षिण शिखर बैठकपछि समयलाई पुनः निर्धारित गर्नु व्यवहारिक कदम देखिएको थियो । ताकि उत्तरु तथा दक्षिण कोरिया एकै भएको भान अरुलाई दिलाउन सकियोस् ।’

सन् २०१५ सम्म दुवै देशको टाइम जोन एउर्ट थियो । त्यसपछि सम्बन्धमा आएको तिक्त्ताले उत्तर कोरियाले आफ्नो समय दक्षिणको भन्दा आधा घण्टा ढिलो बनायो । उत्तर कोरियाको राजधानी प्योङयाङमा बसेको अधिकारीहरुको बैठकले पुरानै टाइम जोनलाई सञ्चालन गर्ने निर्णय गरेको थियो ।

यसअघि प्रचारबाजीका लागि सीमा क्षेत्रमा राखिएको लाउड स्पिकर दुवै देशले बन्द गरेका थिए ।

सम्बन्धमा सुधार आएको देखेपछि अमेरिकी राष्ट्रपति डोनाल्ड ट्रम्पले दक्षिण कोरियामा रहेका अमेरिकी सैनिकलाई फिर्ता बोलाउने निर्णय गरेका छन् । ट्रम्पले पेन्टागनलाई आदेश दिँदै दक्षिणबाट सेना फिर्ता बोलाउनका लागि विकल्प तयार पार्न भनेका छन् ।

 

Related posts
यस्तो छ देशलाई कायालापट पार्ने कम्युनिष्ट सरकारको नीति तथा कार्यक्रम (पूर्ण पाठ सहित)

काठमाडौँ — सरकारले आगामी दश वर्षभित्र मुलुकलाई मध्यमस्तरको आय भएको देशका रूपमा स्तारोन्नती...

सरकारको नीति तथा कार्यक्रम: प्रधनमन्त्री कार्यालयबाट अनुगमन गर्नेमाथि अर्को अनुगमन !

काठमाडौँ सरकारले अहिले हुने गरेको अनुगमन प्रक्रिया प्रभावकारी नहुने ठहर गरेको छ ।...

निर्माण व्यवसायीलाई अगाडी राखेर गृहमन्त्री बादलले भने ”सच्चिनुहोस, नभए कारबाही भोग्न तयार हुनुहोस” !

काठमाडौं, जेठ ७ । गृहमन्त्री रामबहादुर थापा ‘बादल’ले निर्माणको ठेक्का लिएर काममा ढिलासुस्ती...

५ वर्षभित्र सबै स्थानीय तहका केन्द्रसम्म कालोपत्रे सडक !

काठमाडौं । सरकारले ५ वर्षमा सबै स्थानीय तहलाई कालोपत्रे सडकलाई जोड्ने नीति ल्याएको...

पाँच बर्ष भित्रै काठमाडौँ–वीरगञ्ज रेलमार्ग, रसुवागढी केरुङ रेलमार्ग निर्माण सम्पन्न !

काठमाडौँ —सरकारले आगामी ५ बर्ष भित्रै काठमाडौँ–वीरगञ्ज रेलमार्ग, रसुवागढी केरुङ रेलमार्ग निर्माण सम्पन्न  गर्ने...