गृहमन्त्रीले भने जाँड ब्रेकफाष्ट, लञ्च, डिनर बन्यो, यसलाई जसरी रोक्छौ !



बैशाख २४, काठमाडौँ, गृहमन्त्री रामबहादुर थापाले संस्कृतिका नाममा कतिपय जनजाति समुदायका मानिसहरु विहानदेखि बेलुकीसम्म जाँड खाएर बस्ने गरेकोमा त्यो बानी अन्य समुदायमा पनि सरेको बताएका छन्।

लागू औषध र मदिरा विरुद्ध अभियान सञ्चालनको योजनामा रहेका गृहमन्त्री थापाले आइतबार गृहमन्त्रालयमा महिला नेतृहरुसँग मदिरा प्रयोग कसरी विस्तार हुँदैछ भन्ने सुनाउने उपरोक्त कुरा बताएका हुन्।

‘चियापनि जाँड, खानापनि जाँड, ब्रेकफाष्ट पनि जाँड लञ्च डिनर ब्रेकफाष्ट जम्मै जाँड हुन्छ’आइतबार विभिन्न पार्टीसम्बद्ध महिला नेतृहरुसँग अन्तरक्रिया गर्दै थापाले भने, ‘यस्तो पनि छ हाम्रो समाजमा, जनजातिहरुमा। अब त सबै जनजाति (जस्तै) भए।’

समाजमा फैलिएको मदिरा संस्कृतिविरुद्ध जनजागरण कार्यक्रम सञ्चालन गर्नुपर्ने बताउँदै गृहमन्त्री थापाले कार्ययोजना अन्तर्गत गोष्टी, छलफल, र्‍याली, कार्यशालाहरु सञ्चालन गर्नुपर्ने बताए।

कानून उल्लंघन गरेका जाँड पसल र भट्टी पसलहरु सिज (कब्जा) गर्नुपर्ने बताएका उनले जँड्याहरुलाई समातेर आत्मालोचना गराउनुपर्नेमा जोड दिए। र, यसमा महिला बर्गले भूमिका खेल्नुपर्ने बताए।

सुनको कारोबारमा जस्तै लागू औषधका कारोबारीहरुले पनि संगठित नेक्सस बनाएको बताउँदै अहिल्यैदेखि सतर्क नहुने हो भने लागू औषध प्रयोगकर्ताहरुको संख्या नेपालमापनि बढ्दै जाने दावी उनले गरे।

ल्याटिन अमेरिकाका कतिपय देशमा लागू औषध कारोबारीहरुले कारोबारका लागि संगठन नै बनाएका र उनीहरुसँग फौज, हेलिकोप्टर समेत रहेको उनले सुनाए। ती मुलुकमा राज्यले यस्ता कारोबारी विरुद्ध युद्ध नै सञ्चालन गरेको बताए।

एकाध लाखमात्र लागू औषध प्रयोेगकर्ता नेपालमा रहेपनि नेपाल लागू औषधको ट्रान्जिट बनिसकेको उनले सुनाए। भने, ‘लागू औषध र मदिराले भ्रष्टाचारीलाई प्रश्रय दिएको छ। यसलाई नियन्त्रण गर्न हामी ६ महिने कार्यक्रम बनाउँदैछौं।’

लागू औषधको कारोबार गर्नेहरु अपराधी, राष्ट्रघाती भएको बताउँदै उनीहरुको भण्डाफोर गर्नुपर्नेपनि गृहमन्त्री थापाले बताए।

महिला नेतृहरुसँगको अन्तरक्रिया कार्यक्रममा सुरक्षा निकायका प्रमुखहरु पनि सहभागी थिए।

Related posts
कठोर बन्दै ओली सरकार अनुगमन गर्ने माथी नै अर्को अनुगमन

काठमाडौँः सरकारले अहिले हुने गरेको अनुगमन प्रक्रिया प्रभावकारी नहुने ठहर गरेको छ ।...

१३ हजार कर्मचारी माथी कारबाही

अख्तियार दुरुपयोग अनुसन्धान आयोगले सम्पत्ति विवरण नबुझाउने सार्वजनिक पदधारी १३ हजार ३ सय...

प्रधानमन्त्री केपी शर्मा ओलीले गरे यस्तो सम्मानित कार्य

काठमाडौं- प्रधानमन्त्री केपी शर्मा ओलीले ग्राण्डी अन्तर्राष्ट्रिय अस्पतालमा पुगेर त्यहाँ उपचारत राष्ट्रकवि माधवप्रसाद...

आदर्श नारी बिकास केन्द्रको रजत महोत्सव नवौं चरण अन्तरगत आज कविता वाचन कार्यक्रम सम्पन

जेठ ७, चितवन आशा खरेल आदर्श नारी विकास केन्द्र, भरतपुरले रजत महोत्सवको अवसरमा नवौं...

प्रधानमन्त्री ओलीको समृद्ध नेपाल सुखी नेपाली संकल्पः यस्ता छन दर्जन नयाँ कार्यक्रम

काठमाडौँ, ७ जेठ-  सरकारले समृद्ध नेपाल, सुखी नेपालीको दीर्घकालीन उद्देश्य प्राप्त गर्ने अठोटलाई...