नेपाल प्रहरी भारतीय नागरिक बाट अपहरित छुटाउन खोज्दा प्रहरी माथि गोलीको वर्षा, ५ नेपाल प्रहरी घाईते !



जीराभवानी गाउँपालिकामा रहेको इलाका प्रहरी कार्यालय सेंढवामा स्थानीय र प्रहरीबीच झडप हुँदा ५ प्रहरी घाइते भएका छन् ।

प्रहरी चौकी महादेवपटीमा कार्यरत प्रहरीलाई अपहरण गर्न खोजेको आरोपमा चार जना भारतीय नागरिकलाई प्रहरीले पक्राउ गरेपछि उनीहरुलाई छुटाउन खोज्दा प्रहरी र बासिन्दाबीच सोमबार बिहान ३ बजे झडप भएको हो ।

झडपमा जिल्ला प्रहरी कार्यालयबाट खटिएका प्रहरी नायब निरीक्षक राजेश चौधरी, प्रहरी सहायक निरीक्षक गोपाल खड्का, ईलाका प्रहरी कार्यालय पोखरीयाका, प्रहरी सहायक निरीक्षक सुकेश्वर महतो, पाडेपुर प्रहरी चौकीका प्रहरी हवल्दार आलोक बैठा, प्रहरी चौकी सुवर्णपुर प्रहरी जवान जयप्रकाश यादव घाइते भएका हुन् ।

स्थितिलाई नियन्त्रणमा लिन प्रहरीले २३ राउण्ड हवाई फायर गरेको जिल्ला प्रहरी कार्यलय पर्साका प्रहरी नायव उपरिरुक्षक राजन लिम्बुले जानकारी दिएका छन ।

भारतको बेतिया जिल्ला भंगहा थाना अन्तर्गत पर्ने शिशवा निवासी बजरंगी गौरो, रामप्रबेश गौरो, बिष्णु भर गौरो, दिनदयाल महतो आइतबार दिउँसो नेपाल आएर मदिरा सेवन गरेर पुनः भारत फर्कदै गर्दा चेकजाँचको क्रममा प्रहरुसिँग विवाद गरेका थिए । मोटरसाइकल फर्केका उनीहरुले चेक जाँचको क्रममा सीमावर्ती प्रहरी चौकी वलुवामा खटिएका प्रहरीलाई गाली गलौज गर्दै अपहरण गरेका थिए ।

उनीहरुले प्रहरी हवलदार बिरबहादुर गुरुङ अपहरण गरी भारततर्फ लैजादै गर्दा भारतीय सीमा सुरक्षा बल एसएसबीको टोलीले पक्राउ गरी नेपाल प्रहरीलाई जिम्मा लगाएको प्रहरीले जनाएको छ । प्रहरीलाई नै अपहरण गरेको आरोप लगाउदै चारै जना भारतीयलाई प्रहरीले कार्यवाहीका लागि इलाका प्रहरी कार्यालय सेढवामा पठाएको थियो ।

भारतीय इष्टमित्रलाई नेपाल प्रहरीले पक्राउ गरेको भन्दै सेंढवाका आफन्त तथा स्थानीयले राति साढे ८ बजेबाट प्रहरी कार्यालय घेराउ गर्दै प्रहरीको बिरुद्धमा नाराबाजी गरेका थिए । पक्राउ परेका भारतीय नागरिकलाई रिहा गर्न माग गर्दै बास्निदाले प्रहरी कार्यालय घेराउ गरेपछि जिल्ला प्रहरी कार्यालयबाट थप सुरक्षाकमीृ परिचालन गरिएको थियो ।

स्थानीयले प्रहरी विरुद्ध नाराबाजी र प्रदर्शन गर्ने क्रममा प्रहरी चौकी जानकी टोलाको बा २ ब ५७०५ नम्बरको सरकारी मोटरसाइकल र पाडेपुरको ना १४ प ४५७७ नम्बर मोटरसाईकल जलाइदिएका छन् । उनीहरुले जिल्ला प्रहरी कार्यालय गाडी समेत तोडफोड गरेका छन् । स्थानीयवासी तोडफोड र आगजनीमा उत्रिएपछि स्थिति नियन्त्रणमा लिन २३ राउण्ड हवाई फायर गरेको प्रहरीले जनाएको छ । थप क्षति हुन नदिन इलाका प्रहरी कार्यालय वरिपरी व्यापक रुपमा सुरक्षाकर्मी परिचालन गरेको पर्सा प्रहरीले जनाएको छ ।

 

Related posts
कठोर बन्दै ओली सरकार अनुगमन गर्ने माथी नै अर्को अनुगमन

काठमाडौँः सरकारले अहिले हुने गरेको अनुगमन प्रक्रिया प्रभावकारी नहुने ठहर गरेको छ ।...

१३ हजार कर्मचारी माथी कारबाही

अख्तियार दुरुपयोग अनुसन्धान आयोगले सम्पत्ति विवरण नबुझाउने सार्वजनिक पदधारी १३ हजार ३ सय...

प्रधानमन्त्री केपी शर्मा ओलीले गरे यस्तो सम्मानित कार्य

काठमाडौं- प्रधानमन्त्री केपी शर्मा ओलीले ग्राण्डी अन्तर्राष्ट्रिय अस्पतालमा पुगेर त्यहाँ उपचारत राष्ट्रकवि माधवप्रसाद...

आदर्श नारी बिकास केन्द्रको रजत महोत्सव नवौं चरण अन्तरगत आज कविता वाचन कार्यक्रम सम्पन

जेठ ७, चितवन आशा खरेल आदर्श नारी विकास केन्द्र, भरतपुरले रजत महोत्सवको अवसरमा नवौं...

प्रधानमन्त्री ओलीको समृद्ध नेपाल सुखी नेपाली संकल्पः यस्ता छन दर्जन नयाँ कार्यक्रम

काठमाडौँ, ७ जेठ-  सरकारले समृद्ध नेपाल, सुखी नेपालीको दीर्घकालीन उद्देश्य प्राप्त गर्ने अठोटलाई...