ओलीले लेखेको कडा ट्विटबारे प्रचण्डले जवाफ मागेपछि …



काठमाडौं, २५ बैशाख । नेकपा माओवादी केन्द्रका अध्यक्ष पुष्पकमल दाहाल प्रचण्डले प्रधानमन्त्री केपी शर्मा ओलीसँग हिजो ट्वीटरमा पोष्ट गरेको सामाग्रीबारे आज जिज्ञासा राखेका छन् ।

नेकपा माओवादी केन्द्रको संसदीय दलको आजको बैठकमा सांसदहरु ओलीको ट्विटबारे आपत्ति जनाउँदै दलका नेता समेत रहेका अध्यक्ष प्रचण्डसामू कडा रुपमा प्रस्तुत भएका थिए । लगत्तै प्रचण्डले ओलीलाई यसबारेमा सोधेका थिए ।

स्रोतका अनुसार ओलीले हिजो पोष्ट गरेको टिवट् प्रचण्ड वा नेकपा माओवादी केन्द्रसँग सम्बन्धित नरहेको स्पष्ट पारेका थिए । ओलीले हिजो आफ्नो आधिकारिक टिव्टरमा भनेका थिए,‘हामी विकास र समृद्धिको एजेण्डामा हिँडिरहेका छौं। दुनो सोझ्याउन समिकरण फेरबदलमा मात्रै बानी परेकालाई यसप्रति अरुचि हुन सक्छ । लोकतन्त्रमा जनता बलिया हुन्छन् र त्यसको प्रतिबिम्ब सरकारका काममा देखापर्छ। किनकी सरकारले जनताबाटै कार्यादेश लिएको हुन्छ । सार्वभौमसत्ता जनतामाथि थियो र छ।’

ओलीले दुनो सोझ्याउन समिकरण फेरबदलमा मात्रै बानी परेकाहरु भन्दै प्रचण्डलाई नै भनेको ठम्याउँदै माओवादी केन्द्रका नेताहरुले आपत्ति जनाएका थिए । प्रचण्डले पनि यही आशयमा ट्विटरमा किन लेखियो भन्दै आलीसमक्ष कडा प्रश्न राखेका थिए । जवाफमा ओलीले आफूले प्रचण्डलाई केन्द्रित गरेर टिव्टमा नलेखेको दाबीमात्रै गरेनन्, बरु उल्टै अहिले आफूहरुको एकता भत्काउन केही शक्तिहरु लागिपरिरहेकोले त्यस्तो लेखेको बताएका थिए ।

Related posts
कठोर बन्दै ओली सरकार अनुगमन गर्ने माथी नै अर्को अनुगमन

काठमाडौँः सरकारले अहिले हुने गरेको अनुगमन प्रक्रिया प्रभावकारी नहुने ठहर गरेको छ ।...

१३ हजार कर्मचारी माथी कारबाही

अख्तियार दुरुपयोग अनुसन्धान आयोगले सम्पत्ति विवरण नबुझाउने सार्वजनिक पदधारी १३ हजार ३ सय...

प्रधानमन्त्री केपी शर्मा ओलीले गरे यस्तो सम्मानित कार्य

काठमाडौं- प्रधानमन्त्री केपी शर्मा ओलीले ग्राण्डी अन्तर्राष्ट्रिय अस्पतालमा पुगेर त्यहाँ उपचारत राष्ट्रकवि माधवप्रसाद...

आदर्श नारी बिकास केन्द्रको रजत महोत्सव नवौं चरण अन्तरगत आज कविता वाचन कार्यक्रम सम्पन

जेठ ७, चितवन आशा खरेल आदर्श नारी विकास केन्द्र, भरतपुरले रजत महोत्सवको अवसरमा नवौं...

प्रधानमन्त्री ओलीको समृद्ध नेपाल सुखी नेपाली संकल्पः यस्ता छन दर्जन नयाँ कार्यक्रम

काठमाडौँ, ७ जेठ-  सरकारले समृद्ध नेपाल, सुखी नेपालीको दीर्घकालीन उद्देश्य प्राप्त गर्ने अठोटलाई...