फोर्ब्सले सार्वजनिक गर्यो विश्वका शक्तिशाली व्यक्तिको सुची: रुसी राष्ट्रपतिलाई पछि पार्दै सी जिनपिङ एक नम्बर नरेन्द्र मोदी नबौ स्थानमा, हेर्नुस अन्य कसको स्थान कस्तो ?



एजेन्सी । फोर्ब्सले सार्वजनिक गरेको विश्वका सर्वाधिक शक्तिशाली व्यक्तित्वहरुको सूचीमा चारपटकसम्म पहिलो स्थानमा रहिसकेका रुसका राष्ट्रपति भ्लाद्मिर पुटिनलाई पछि पार्दै पहिलोपटक चीनका राष्ट्रपति सी जिनपिङले शीर्ष स्थान हासिल गरेका छन् । त्यसैगरी उता भारतीय प्रधानमन्त्री नरेन्द्र मोदी पनि आफ्नो अधिक लोकप्रियताका कारण यस वर्ष नवौँ स्थानमा परेका छन् । भारतबाट उनका साथै चर्चित व्यवसायी मुकेश अम्बानीले पनि यस सूचीमा ३२ औँ स्थान प्राप्त गरेका छन् ।

फोर्ब्सले सार्वजनिक गरेको ७५ व्यक्तित्वहरुको सूचीमा नेपालबाट भने कसैको नाम उल्लेखित छैन । फोर्ब्सका अनुसार पृथ्वीको ७ अर्ब भन्दा बढी जनसङ्ख्यामा यिनै ७५ व्यक्तित्वहरुको प्रभाव सबैभन्दा बढी रहेको छ । फोर्ब्सले यी व्यक्तिहरुको छनौट मानिसहरुमा उनीहरुको कार्य र बोलीले पार्ने अधिक प्रभावका आधारमा गर्ने गरेको बताएको छ ।

१० वर्षसम्म शीर्ष दश स्थानमा रहँदै आएकी जर्मनीकी चान्स्लर एन्जेला मार्कल यसपटक भने चौथो स्थानमा आएकी छन् । उता कानूनी अनुसन्धान र विभिन्न काण्डका कारण अमेरिकी राष्ट्रपति ट्रम्प भने तेस्रो स्थानमा परेको बताइएको छ । त्यसैगरी यस वर्षको सूचीमा फेसबुकका कार्यकारी अधिकृत मार्क जुकरबर्ग र बेलायती प्रधमानमन्त्री टेरेजा मेलाई समेत पछि पार्दै धेरै अघि आएका भारतका प्रधानमन्त्री मोदीको फोर्ब्सले समेत अधिक चर्चा गरेको छ । राजनीतिज्ञहरुमा ट्रम्पपछि सबैभन्दा धेरै ट्वीटर फलोअर भएका मोदीको प्रभाव भारत लगायत अन्तर्राष्ट्रिय जगत्मा पनि उत्तिकै रहेको फोर्ब्सले बताएको हो ।

ad
यसवर्षको सूचीमा आएका १७ नयाँ नामहरुमा भने सबैभन्दा अगाडि साउदी अरबका राजकुमार मोहोम्मद बिन सलमान आठौँ स्थानमा आउन सफल भएका हुन् । त्यसैगरी ५४ औँ स्थानमा परेका दक्षिण कोरियाका राष्ट्रपति मुनको नाम पनि पहिलोपटक यस सूचीमा देखा परेको हो । तर उत्तर कोरियाली नेता किम जोङ उनले ३६ औँ स्थान प्राप्त गरि मूनलाई पछि पारेका छन् । त्यस्तै फ्रान्सका म्याक्रोन १२ औँ मा रहेका छन् भने विवादित रहेपनि जापानी प्रधानमन्त्री अझै ३८ औँ स्थानमा रहन सफल भएका हुन् । उता सिरियाका बसर अल अस्सद पनि ६२ औँ स्थानमा रहेका छन् ।

 

 

Related posts
कठोर बन्दै ओली सरकार अनुगमन गर्ने माथी नै अर्को अनुगमन

काठमाडौँः सरकारले अहिले हुने गरेको अनुगमन प्रक्रिया प्रभावकारी नहुने ठहर गरेको छ ।...

१३ हजार कर्मचारी माथी कारबाही

अख्तियार दुरुपयोग अनुसन्धान आयोगले सम्पत्ति विवरण नबुझाउने सार्वजनिक पदधारी १३ हजार ३ सय...

प्रधानमन्त्री केपी शर्मा ओलीले गरे यस्तो सम्मानित कार्य

काठमाडौं- प्रधानमन्त्री केपी शर्मा ओलीले ग्राण्डी अन्तर्राष्ट्रिय अस्पतालमा पुगेर त्यहाँ उपचारत राष्ट्रकवि माधवप्रसाद...

आदर्श नारी बिकास केन्द्रको रजत महोत्सव नवौं चरण अन्तरगत आज कविता वाचन कार्यक्रम सम्पन

जेठ ७, चितवन आशा खरेल आदर्श नारी विकास केन्द्र, भरतपुरले रजत महोत्सवको अवसरमा नवौं...

प्रधानमन्त्री ओलीको समृद्ध नेपाल सुखी नेपाली संकल्पः यस्ता छन दर्जन नयाँ कार्यक्रम

काठमाडौँ, ७ जेठ-  सरकारले समृद्ध नेपाल, सुखी नेपालीको दीर्घकालीन उद्देश्य प्राप्त गर्ने अठोटलाई...